|
|
|
|
|
|
|
Íslensk sendiráð, fastanefndir og ræðisskrifstofur taka við umsóknum um almenn vegabréf og
neyðarvegabréf. Íslenskar sendistofnanir taka ekki við umsóknum um ferðaskilríki fyrir flóttamenn, vegabréf fyrir útlendinga eða hópvegabréf. Íslenskur ríkisborgari sem hefur fasta búsetu erlendis, getur óskað eftir því að fá kenninafn maka skráð í vegabréf sitt. Það skal tekið fram að sendiráð, fastanefndir og ræðismenn geta gefið út neyðarvegabréf þegar sérstaklega stendur á. Handhafa neyðarvegabréfs ber að skila því til lögreglu eftir notkun.
Sendistofnanir framsenda ríkislögreglustjóranum umsóknir um vegabréf, fylgigögn og greiðslu fyirr útgáfu vegabréfsins og öðrum kostanði svo fljótt sem unnt er. Ríkislögreglustjórinn annast skráningu upplýsinga um handhafa vegabréfs í vegabréfaskrá, þ.m.t. þeirra sem sótt hafa vegabréf sitt hjá sendiskrifstofum.
Umsækjandi fær vegabréfið sent í pósti, nema hann óski eftir að sækja það til umsóknarstaðar.
|
|
|
|
|
|
|
|
|
|
|
Þegar sérstaklega stendur á getur íslensk sendiskrifstofa heimlað að starfsmaður sendistofnunar annars Norðurlands, lögbókandi (notarius pblicus) í viðkomandi landi eða annar opinber aðili votti undirritun umsækjanda á umsóknareyðublaði um vegabréf, enda hafi umsækjandinn sannað deili á sér. Íslensk sendiskrifstofa annast framsendingu slíkra umsókna til ríkislögreglustjórans.
Sendiskrifstofum Íslands er heimilt að framlengja gildistíma almenns vegabréfs, sem runnið hefur út á síðustu 12 mánuðum, eða sem rennur út innan skamms tíma, ef ekki er unnt að gefa út nýtt vegabréf í tækja tíð. Ekki má framlengja vegabréf oftar en einu sinni. Þó má aldrei framlengja vegabréf til lengri tíma en eins árs.
Nánari upplýsingar um nýju vegabréfin má finna á vefsíðu dóms- og kirkjumálaráðuneytisins
http://www.stjr.is.
|
|
|
|
|
|
|
