Í ár var haldið upp á þjóðhátíðardagin á Canton Beach Tourist Park uppá  Central Coast, rúmlega klukkustundar akstur norðan við Sydney.  Um 40 fullorðnir og börn komu saman yfir helgina 15, - 17 júní.  Flestir komu á Föstudeginum og voru fram á Sunnudag.  Sumir komu á Laugardeginum og Sunnudeginum.  Við gæddum okkur á íslenskum gæðamat, eins og harðfisk frá Lillý, pönnukökur sem Sibba bakaði og frábæra kjötsúpu sem Marín bjó til.  Linda og Brian sögðu draugasögur og krakkarnir tóku undir og komu með ansi hræðilegar frásagnir.  Ekki var laust við smá hræðslu, jafnt hjá börnum sem fullorðnum, sérstaklega þegar Brian sagði frá trúðnum sem átti heima á staðnum.  Á Laugardeginum fórum við í spurningar skógargönguna sem Simmi og Linda skipulögðu.  Allir þurftu að ganga um skógin og finna 15 spurningar með 5 mögulegum svörum hengdar upp í trjánum.  Þurfti fólk að velja rétt svar og láta svo Lindu hafa svar blaðið í lok göngunnar.  Linda fór svo gegnum öll blöðin og raðaði niður vinningshöfum.  Vinningarnir voru veittir um kvöldið.  Simmi fór fyrst yfir öll svörin og var ljóst að sumar spurningarnar voru ansi erfiðar, en samt tókst tveimur að hafa allt rétt.  Linda afhenti verðlaun fyrir bestu framistöðuna.  Lillý sá um smá happadrætti og fékk krakkana í lið með sér að selja miða.  Um kvöldið var svo Linda fengin til að draga um tvo forláta vasa.  Það var einnig sungið og spilað bæði kvöldin og skemmtu allir sér hið besta.  Á sunnudeginum var komið saman í stóra tjaldinu og sjálfstæði íslands minnst með smá ræðuhöldum.  Eftir það fór fólk að drífa sig heim.  Ekki verður annað sagt enn þetta hafi tekist mjög vel og allir sammála um að endurtaka þetta að ári.  Simmi smellti slatta af myndum af því sem fór fram og má sjá árangurinn hérna fyrir neðan. 

Smelltu á myndina til að sjá hana í fullri stærð